Mahal, ako ba'y mahal pa rin?

Lahat naman ng babae gusto ng lalaking sweet.
Yung mabulaklak ang bibig. Pero hindi naman lagi.
Yung kahit paminsan-minsan lang, ipagmamalaki ka niya.
Yung magpopost siya ng picture mo sa wall niya with a long message telling the world how lucky he is to have you or how much he appreciates you.
Pwede ring mag tweet siya kahit di ka nakamention para pag chineck mo yung twitter niya, kikiligin ka.
Or mag post ng picture sa IG na candid tapos ganun ulit, may sweet message.

Haaaay. Ang saya diba? Pero yung mga lalaking tipo ni Chito Miranda ay napakabihira na.
Bakit nga ba?
Bakit di niya makuhang gawin yung mga simpleng hiling na paminsan-minsan ay pakiligin ka?

Baka dahil matagal na kayo?
Baka nung mga panahong nanliligaw palang siya, naubos na ang mga balang nakalaan para sayo.
Nasabi niya na siguro lahat?
At baka ayaw niya ng paulit ulit? Baka kasi maisip mo wala na siyang ginawa kundi mangulit.

Or worst case scenario, baka ika'y nagbago na rin?
Baka hindi na ikaw yung babaeng pinangarap niyang makamit?
Baka dahil sa tagal naging kumportable ka na at nung nakita niya ang tunay mong mga kulay
Para bang siya'y naumay at nagulat
Andami mo ng bagay na naisiwalat
Na hindi na dapat pang ikalat o ipagmalaki lalo na sa social media

Hindi ko alam. Hindi ko sigurado.
Baka rin masyado ka lang nagiisip at nagpapatalo
Sa mga haka-haka na wala namang basehan
Kasi hindi mo naman siya hinihingahan
Ng iyong mga sama ng loob at kung anu ano pa
Mga alinlangan at tanong na mahal ka pa ba niya
Gaya ng dati na para bang hindi ka niya makuhang pakawalan
Kahit ilang minuto lang naman kayong maghihiwalay dahil may kanya-kanyang pupuntahan

Bilang babae, alam ko, kailangan mo rin ng kasiguraduhan
Na hindi nalang siya magigising isang araw na may balak na ika'y iwanan
Pero subukan mo nalang rin alalahanin
ang lahat ng pinagsamahan ninyo at intindihin
Na hindi na maaaring bumalik sa dati
Ang init at kilig

Tandaan mo
Ang pag ibig ay hindi isang emosyon kundi isang disisyon
Tatanggapin mo siya at mamahalin, anuman ang sitwasyon
Hindi man niya palaging sinasabi
Baka naman ito'y kanyang ipinapakita
Hindi man galing sa labi, hindi man puro salita
Mahal ka niya. Yun naman ang mahalaga, hindi ba?